Skilmálar

 Almennt

Eldhaf ehf áskilur sér rétt til að hætta við pantanir, t.d. vegna rangra verðupplýsinga og einnig að breyta verðum eða hætta að bjóða upp á vörutegundir fyrirvaralaust. Áskilinn er réttur til að staðfesta pantanir símleiðis.

Afhending vöru

Allar vörur eru afgreiddar næsta virka dag eftir pöntun. Sé varan ekki til á lager mun þjónustufulltrúi hafa samband og tilkynna um áætlaðan afhendingartíma vörunnar. Öllum pöntunum er dreift af Íslandspósti og gilda afhendingar-, ábyrgðar og flutningsskilmálar Íslandspósts um afhendingu vörunnar. Eldhaf ehf kaupir ábyrgðartryggingu á allar vörur sem fluttar eru til kaupenda með Íslandspósti. Verði vara fyrir tjóni frá því að hún er send frá Eldhaf ehf til kaupanda verður tjónið að fullu bætt.

Vöruskil á ógölluðum vörum

Veittur er 14 daga skilaréttur við kaup á vöru gegn því að framvísað sé sölureikningi sem sýnir með fullnægjandi hætti hvenær varan var keypt. Varan þarf að vera ónotuð, í fullkomnu lagi og í sínum upprunalegu óskemmdu umbúðum þegar henni er skilað. Ef vara er innsigluð má ekki rjúfa innsiglið. Við skil á vöru er miðað við upprunalegt verð hennar, nema viðkomandi vara sé á útsölu eða á sértilboði við vöruskil. Þá er miðað við verð vörunnar þann dag sem henni er skilað. Ef kaupandi vill ekki skipta vörunni fyrir aðra vöru verður gefin út inneignarnóta (kreditreikningur) eftir að varan er móttekin. Inneignarnótan gildir í eitt ár frá útgáfudegi og er gild við almenn vörukaup nema á útsöluvörum eða vörum á sértilboði. Flutnings- og póstburðargjöld eru ekki endurgreidd.

Ábyrgð

Allar almennar vörur eru seldar með tveggja ára ábyrgð til neytenda, en eins árs ábyrgð til fyrirtækja og er sölureikningur vörunnar ábyrgðarskírteini hennar. Ábyrgð er tekin á galla í vöru miðað við eðlilega notkun hennar ásamt varahlutum og vinnu. Rekstrarvörur svo sem rafhlöður og viftur eru seldar með 6-12 mánaða ábyrgð eða samkvæmt endingarmati framleiðenda þeirra.

Takmörkun á ábyrgð

Ábyrgð fellur úr gildi: 1. Ef aðrir en starfsmenn Apple/Eldhaf ehf hafa reynt að gera við vöruna án leyfis tæknimanna Apple/Eldhafs ehf 2. Ef varan hefur verið tengd við ranga spennu eða straumtengi. 3. Ef verksmiðjunúmer eða innsigli hafa verið fjarlægð eða rofin 4. Ef varan hefur orðið fyrir slæmri eða rangri meðhöndlun að mati tæknimanna Apple/Eldhafs ehf eða skemmst í flutningum 5. Varan hafi verið notuð við óviðunandi aðstæður 6. Ef varan hefur verið seld öðrum aðila á ábyrgðartíma

Ábyrgð er ekki tekin á

1. Eðlilegu sliti vörunnar 2. Gögnum eða hugbúnaði á hörðum diskum tölva og þarf eigandi að bera kostnað af færslu á þeim á milli diska. 3. Afleiddu tjóni vegna bilunar vöru.

Skilmálar verkstæðis / þjónustudeildar

1. Við tökum enga ábyrgð á gögnum í þeim tölvum sem unnið er við, enda er það á ábyrgð og kostnað hvers eiganda að taka afrit af gögnum á tölvunni sinni. 2. Vinna á verkstæði er samkvæmt tímagjaldi 3. Ef bilun kemur ekki fram við skoðun er innheimt sérstakt skoðunargjald 4. Ef vara sem komið er með til ábyrgðarviðgerðar reynist ekki biluð eða viðgerð fellur ekki undir ábyrgðarskilmála, þarf eigandi að greiða fyrir þann tíma sem farið hefur í viðgerðina. Í öllum tilvikum er reynt að hafa viðgerðartíma sem stystan. Algengur viðgerðartími getur verið frá 3-6 virkum dögum, allt eftir verkefnastöðu verkstæðis hverju sinni.

Verð, skattar og gjöld

Verð geta breyst án fyrirvara. Öll verð eru með 24% VSK og birt með fyrirvara um innsláttarvillur.

Trúnaður

Seljandi heitir kaupanda fullum trúnaði um allar þær upplýsingar sem kaupandi gefur upp í tengslum við viðskiptin. Upplýsingar verða ekki afhentar þriðja aðila undir neinum kringumstæðum.

Eignarréttarfyrirvari

Hið selda er eign seljanda þar til verðið er greitt að fullu. Samþykktir víxlar, skuldabréf eða greiðsla með ávísunum afnema ekki eignarréttinn fyrr en full greiðsla hefur borist.

Lagerstaða

Eldhaf ehf ábyrgist ekki að allar vörur sem birtar eru á netverslun séu alltaf til á lager.

Oft eru Apple vörur kynntar og er þá vefverslunin uppfærð með nýjum vörum, en 3-4 vikur geta liðið frá kynningu vörunar þar til hún er tilbúin til afgreiðslu hér á Íslandi.

Flutningskostnaður

Hægt er að fá vörur sendar með póstinum eða í flugfrakt og miðast þá verð við gjaldskrá viðkomandi flutningsaðila nema annað sé tekið fram.

Skilmálar þessir eru verslunarskilmálar Eldhafs ehf og tóku gildi þann 1.janúar 2009. Skilmálar þessir teljast samþykktir af hálfu viðskiptavinar (kaupanda) þegar viðskipti hafa átt sér stað á milli kaupanda og seljanda (Eldhafs ehf).